Ташрифи Раиси Кумитаи иҷроияи ҲХДТ дар вилояти Хатлон Саидзода Ҷамшед ба Донишкадаи технология ва менеҷменти инноватсионӣ дар шаҳри Кӯлоб
Имрӯз 03.12.2024, дар Донишкадаи технология ва менеҷменти инноватсионӣ дар шаҳри Кӯлоб, Раиси Кумитаи иҷроияи Ҳизби Халқии Демократии Тоҷикистон дар вилояти Хатлон Саидзода Ҷамшед бо самимият ва эҳтироми баланд пешвоз гирифта шуд.
Меҳмони гиромӣ, Саидзода Ҷамшед, пас аз расидан ба донишкада аз ҷониби роҳбарият, устодон ва донишҷӯён пешвоз гирифта шуд.
Ҳангоми ворид шудан ба донишкада, Саидзода Ҷамшед аз намоишгоҳи дастовардҳои Кумитаи иҷроияи ҲХДТ дар шаҳри Кӯлоб ва донишкада дидан намуданд. Дар ин намоишгоҳ корҳои зерин муаррифӣ шуданд:
- Дастовардҳои Кумитаи иҷроияи ҲХДТ: Лоиҳаҳои иҷтимоӣ, фарҳангӣ ва маърифатӣ, ки дар шаҳри Кӯлоб татбиқ шудаанд. Аз ҷумла, ташаббусҳои марбут ба баланд бардоштани сатҳи маърифати сиёсии ҷавонон, ташкилоти чорабиниҳои ҷамъиятӣ ва сафарбарии ҷомеа барои ҳадафҳои стратегии кишвар.
- Дастовардҳои донишкада: Намоиши ихтироот, корҳои илмӣ-таҳқиқотӣ ва барномаҳои инноватсионӣ, ки аз ҷониби устодон ва донишҷӯён таҳия шудаанд. Инчунин, фаъолияти ташкилоти ибтидоии ҲХДТ дар донишкада низ муаррифӣ гардид.
